Ibinahagi ni David Schwartz, dating CTO ng Ripple at pangunahing arkitekto ng XRP Ledger, ang pinakabagong update tungkol sa XRPL, na nagpapakita ng naging kalagayan ng imprastruktura ng blockchain mula noong naganap ang kamakailang pag-atake at inilunsad ang mga emergency patch.
Ikinuwento niya noong Setyembre 10 na nagkaroon ng dalawang maliit na insidente ang kanyang XRPL hub nitong nakaraang dalawang araw, kung saan bumaba ang bilang ng mga peer at bahagyang bumagal ang sistema.
Mahalaga ang mga komentong ito ni Schwartz dahil nakaranas ng pag-atake ang XRPL noong Hulyo 30.
Ibinunyag ng XRP Ledger Foundation sa kanilang vulnerability report na nilusob ng mga umaatake ang peer-to-peer network sa pamamagitan ng pagbaha ng mga pekeng validator manifest. Dahil dito, naputol ang koneksyon sa buong network at naputol mula sa karamihan ng kanilang mga peer ang ilang bahagi ng node sa loob lamang ng ilang minuto.
Mahalagang tandaan na hindi tumigil o nag-fork ang underlying ledger dahil nagpatuloy sa pagkakaroon ng consensus ang natitirang UNL validators noong naganap ang insidente, at walang nalustay na pondo, pribadong susi, o integridad ng ledger.
Gayunpaman, nagbunsod ito ng isang emergency patch na nagtakda ng mga limitasyon kung paano kumakalat ang mga validator manifest sa network, kabilang ang mga proteksiyong pumipigil sa mga node na masyadong gumamit ng memorya at processing power kapag humaharap sa hindi mapagkakatiwalaang mga manifest.
(adsbygoogle = window.adsbygoogle || []).push({});Ang hub ni Schwartz ay may average na humigit-kumulang 401 peer connections mula Agosto 25 hanggang Setyembre 8, na may maximum na 423 connections.
Noong Setyembre 10, nagbahagi rin siya ng bagong datos na nagpapakita na kapareho pa rin ng dati ang mga bilang. Ang bilang ng peer connections ay mula 349 hanggang 427, na may average na humigit-kumulang 389. Ang median latency ay mga 169 milliseconds naman, habang ang 90th percentile latency (ito na ang mga pinakamabagal na koneksyon) ay nasa average na 416 milliseconds.
Bagama’t may bahagyang pagbaba sa bilang ng peers kumpara sa naunang datos, nagpapahiwatig ang mga numerong ito na normal naman ang pagtakbo ng hub at hindi lumalabas ang uri ng malawakang instability na nakita natin noong manifest flood ng Hulyo.
